Të tjera detaje bëhen me dije për plagosjen e Rexhep Terziut në zonën e plazhit në Durrës këtë mbrëmje. Burime zyrtare nga policia, raportojnë se një person ende i paidentifikuar, është futur për të grabitur në banesën e 42-vjeçarit.
Në momentin që autori është diktuar nga i zoti i shtëpisë, ka qëlluar në drejtim të këtij të fundit duke e plagosur në këmbë. Rexhep Terziu mësohet se është transportuar me ambulancë drejt Spitalit të Durrësit.
Mësohet se është jashtë rrezikut për jetën. Shërbimet e Policisë kanë mbërritur në vendngjarje, dhe vijon krehja e zonës për të bërë të mundur kapjen e autorit. Janë ngritur pika kontrolli dhe me lëvizje për të kontrolluar dhe identifikuar personat e dyshuar.
Njoftimi zyrtar nga policia:
Durrës/Informacion paraprak
Më datë 10.02.2020, rreth orës 20:30, në lagjen Nr.13 Plazh, një person ende i paidentifikuar, ka hyrë për të vjedhur në banesën e shtetasit R.T.
Në tentativë për të vjedhur por që është diktuar nga të zotët e banesës, personi ka plagosur në këmbë jashtë rrezikut për jetën të zotin e banesës shtetasin R.T, 42 vjeç, i cili ndodhet në spital jashtë rrezikut për jetën.
Personi nuk ka mundur të kryejë vjedhjen por është larguar me shpejtësi. Shërbimet e Policisë kanë mbrritur menjëherë në vendngjarje, dhe vijon krehja e zonës për të bërë të mundur kapjen e autorit Janë ngritur pika kontrolli dhe me lëvizje për të kontrolluar dhe identifikuar personat e dyshuar
Grupi hetimor ndodhet në vendngjarje ku po administron çdo provë sado të vlefshme që do ti shërbejnë zbardhjes së ngjarjes, identifikimit dhe kapjes së autorit.
LEXO EDHE:
Detaje/ Të shtënat me armë zjarri, identifikohet i plagosuri në Durrës (Emri)
Të shtëna me armë zjarri në Durrës, një i plagosur në zonën e plazhit
