Një ngjarje e rëndë ka ndodhur këtë të mërkurë në fshatin Grabovë të Bashkisë Përmet, ku dy persona kanë mbetur të plagosur pas shpërthimit të një lënde plasëse.
Sipas informacioneve paraprake, Mustafa Koçi dhe Ervis Bregu po kryenin punime riparimi në një banesë të vjetër, kur dyshohet se kanë rënë në kontakt me një bombë të mbetur nga Lufta e Dytë Botërore.
Një prej tyre ka pësuar dëmtime të rënda dhe është transportuar me urgjencë drejt Spitalit të Gjirokastrës, ku ndodhet në gjendje të rëndë.
Personi tjetër ka marrë dëmtime në pjesën e poshtme të dorës, por gjendja e tij paraqitet më e stabilizuar.
Në vendngjarje kanë mbërritur forcat policore, të cilat po kryejnë veprimet hetimore për të zbardhur plotësisht rrethanat e rastit. Ende nuk dihet se si lënda plasëse ka mbetur në banesë, por dyshohet se i përket periudhës së Luftës së Dytë Botërore.
