‘Edvin kazan, hajdut, legen’ ishin thirrjet e banorëve të Unazës së Re, që protestuan në ditën e 136 në mbrojtje të banesave të tyre.
Në dallim nga protestat e mëparshme, sot ata nuk u lejuan nga policia që të bllokonintë dy akset e Unazës, ndërsa kishte një prani të shtuar të uniformave blu.
Protestuesit kanë paralajmëruar ministrin Lleshaj, që e kanë quajtur ministri Leshi, që të ketë kujdes me durimin e tyre, pasi do të shikojë një protestë para policisë që se ka parë kurrë.
“Shumë mirë keni bërë që na keni rrethuar me policë. Shko rretho shtëpinë e Edi Ramës, të Gjiknurit, Afrim Qendros para se të rrethoni Unazën e Re.
I them Policisë së Shtetit që nëse arreston një qytetar të Unazës së Re, do të shohin protestën më të madhe që kanë parë ndonjëherë. Mos i hidhni benzinë zjarrit.
Nuk na tremb Policia e Leshit. Tik-Tak Tik-Tak, ka ardh fundi për qeverinë tënde”, thirrën protestuesit.
Ish-deputeti demokrat, Klevis Balliu, i cili prej kohësh mbështet protestën e banorëve të Unazës së Re, i ka drejtuar një thirrje policisë që të merret me bandat, me kriminelët, me kumbarin Edi Rama.
“Ne kemi ndjenjur këtu 136 ditë dhe shoqërimet nuk na impresionojnë. E vetmja gjë që na bëjnë është që na revoltojnë.
Ti Sandër Lleshaj bëj kujdes me urdhërat që jep bashkë me kupolën tënde që dehet si derr. Këtu te Unaza kërkohet një gjë: duan projekte le ti bëjnë, por jo të vjedhin 20 milion euro.
Të bëhet një projekt normal. Por nuk ka projekt që shkatërron shtëpitë. Dhe këtu ministrja të dalë dhe të thotë që shtëpitë e njerëzve nuk prishen.
Ne nuk do t’iu lejmë vetëm asnjë minutë. Nëse do, shko çoji ato lekët te studentët”, tha Balliu.
