Qytetarët janë bashkuar në ndoshta protestën më të madhe kundër një qeveri në 28 vitet e tranzicionit shqiptar.
Disa mijëra qytetarë kanë marshuar drejt bulevardit “Dëshmorët e Kombit” me thirrjet Rama ik dhe me pankarta në duar.
Kreu demokrat Lulzim Basha është nisur nga selia e PD-së dhe i është bashkuar protestuesve në bulevard, sikundër Monika Kryemadhi është nisur me mbështetës të saj nga selia e LSI-së.
Kreu demokrat Basha, shoqërohet nga djali i heroit të demokracisë, Kiri Hajdari, si dhe zyrtarë të tjerë të partisë më të madhe opozitare, ndërsa me dy gishta ka përshëndetur disa mijëra mbështetës të opozitës.
Në protestë mungojnë flamujt partiakë, ndërsa ka flamuj kombëtar dhe amerikanë. /BN/
