Pothuajse në të gjithë vendin qytetarët të organizuar dhe në mbështje të opozitës po protestojnë ndaj qeverisë Rama.
Protestat zinxhir në sheshe, rrugë nacionale apo para institucioneve locale, po i paraprijnë protestës së 16 shkurtit të thirrur nga opozita në Tiranë.
Në disa raste protestuesit përmes banerave apo pankartave kanë zgjedhur ti japin Ramës një mesazh, por më i veçanti duket se i vjen nga Vlora, qark në të cilin Kryeministri ka kandiduar si deputet.
Qytetarët e Vlorës kanë shpalosur një pankartë në formën e një bilete udhëtimi, një drejtimshme, me linjën Air Albania. Ndoshta në këtë mënyrë ata kanë ironizuar edhe një nga projektet e promovuara me shumë pompozitet nga Kryeministri, por që në fakt duket se ka mbetur në letër.
