Arben Ahmetaj, ish-ministër i Financave, dhe deputet për Kavajën, ka mbajtur të njëjtin qëndrim si kolegët e tij të mazhorancës, lidhur me krimin e ndodhur në Kavajë, ku një vajzë e mitur 13 vjeçare u përdhunua nga 8 adoleshentë.
Ahmetaj gjatë një debate në Parlament ka kërkuar rikthimin e seancës në normalitet, ndërkohë që as nuk ka dënuar ngjarjen, dhe as ka dhënë ndonjë mesazh distancuesh nga qëndrimi i mbajtur deri më tani nga Kryzeministri apo ministrat e tjerë, edhe pse ai është i deleguari i PS-së në Kavajë.
Ahmetaj ndërkohë nuk ka nguruar të akuzojë opozitën jo vetëm për ngjarjen në fjalë, e cila u denoncua nga ish-kryeministri Sali Berisha, por edhe përsa i takon thirrjeve për protestën e 16 shkurtit.
“Të largohemi nga fyerjet sepse është turp për ne. Më ka trishtuar, por… Sali ti më do shumë mua dhe unë të dua shumë ty. Sa herë që nevrikosesh me mua ti më do.
E kemi ndryshe këtë dashurinë ne. Është rasti për ta kthyer në normalitet këtë situatë.
Është rasti të flasim se kush tenton të vijë në pushtet mbi hi. Çfarë ka ndodhur? Thanë se do të kthejnë taksën e sheshtë në 9%, por kurrë nuk do ta lejomë taksën e sheshtë sepse ngarkon qytetarët me dyfishimin e taksave. I sfidoj sa i përket ofertës tuaj. Ju thoni se do sjellë lulëzim ekonomik ky 9%.
Janë 300 mijë familje që do u ngarkohet dyfishi i taksave. Taksa e sheshtë e shkatërron shtresën e mesme. Ajo që bëni ju është pabarazi. Kjo është të mbështetësh oligarkinë.
Biznesi i vogël paguan 0 taksë dhe ju doni ti shtoni taksën në bazë të xhiros.
Shqipëria është e varfër, por jo aq sa ka qenë në vitin 2013. Çdo parti që humb ankohet për vjedhje votash. Ju nuk vini kurrë në pushtet me atë paketë ekonomike”, u shpreh Ahmetaj.
