Policia e Tiranës ka sekuestruar një automjet luksoz tip Mercedes-Benz AMG G63, me vlerë rreth 250 mijë euro, i cili pas verifikimeve rezultoi i vjedhur në Gjermani.
Nga veprimet hetimore u identifikua një 34-vjeçar, me inicialet A. L., i dyshuar si personi që ka trafikuar automjetin në Shqipëri me qëllim shitjen.
Ai është shpallur në kërkim dhe policia po punon për kapjen e tij.
Materialet procedurale për këtë rast i janë referuar Prokurorisë së Tiranës, e cila do të vijojë me veprimet e mëtejshme hetimore.
