24-vjeçarja Xhensila Ndoj mbeti e plagosur pasi u godit me thikë nga babai i saj, Mikel Ndoj, 56-vjeç, pas një sherri të ndodhur mes tyre pranë ambienteve ku punonte vajza.
Nga ngjarja në Durrës, i plagosur mbeti edhe shtetasi Onard Memlika, i cili kishte ndërhyrë për të qetësuar konfliktin, por gjithashtu u godit me thikë nga 56-vjeçari.
Raportohet se të plagosurit janë jashtë rrezikut dhe aktualisht po mbahen në sallën kirurgjikale, ku po i nënshtrohen operacioneve.
Pas ngjarjes, Mikel Ndoj është larguar dhe ende nuk është lokalizuar nga policia, e cila po punon intensivisht për kapjen e tij.
