Moti i keq ka shkaktuar probleme edhe në zonën e Fushë Krujës dhe Shkodrës.
Raportohet se në Fushë Krujë, lumi Ishëm ka dalë nga shtrati dhe ka përmbytur qindra hektarë tokë bujqësore si dhe ka bllokuar dy lagje në fshatin Murqine.
Ndërsa, në fshatrat Bubq, Gramza, Derveni, Luzi, Malkuçi, Murqina dhe Bilaj ka banesa të përmbytura për shkak të mosfunksionimit të kanaleve kulluese.
Ndërkohë në Shkodër, ka dalë nga shtrati përroi i rrëmbyer i Glinës në territorin e Bashkisë Vau i Dejës, duke përmbytur gjithashtu shtëpi dhe toka bujësore.
Moti i keq ka shkaktuar përmbytje edhe në qytete të tjera të vendit, ndërsa situata me reshjet sipas meteorologëve pritet të përkeqësohet në ditët në vazhdim.
