Situata vijon të mbetet problematike në territorin e Bashkisë Kukës si pasojë e reshjeve të dendura të shiut, edhe pse aktualisht reshjet janë ndërprerë.
Në fshatin Orgjost, ura që shërben si lidhje kryesore për mbi 1 mijë banorë të zonës rrezikon të dëmtohet seriozisht për shkak të rritjes së prurjeve të lumit.
Banorët raportojnë se uji ka gërryer bazamentet e betonit në hyrje dhe dalje të urës së tipit ushtarak, duke e bërë atë të pasigurt për qarkullim.
Ndërkohë, fshati Orgjost ka mbetur edhe pa energji elektrike.
Banorët kërkojnë ndërhyrje të menjëhershme nga strukturat e emergjencave civile, si në nivel lokal ashtu edhe qendror, për të shmangur izolimin e zonës dhe rrezikimin e jetës së qytetarëve.
