Deputetja e Partisë Demokratike, Ina Zhupa ka reaguar ashpër ndaj situatës së krijuar në Vlorë, ku qytetarët kanë dalë në protestë për mungesën e ujit.
Zhupa ironizon deklaratat e kryebashkiakes Brunilda Mersini, ku mësohet të ketë thënë se qytetarëve u kërkohet të mos ankohen për mungesën e ujit, por të lahen me shampanjë.
Sipas Zhupës, pushteti jeton në një realitet paralel, mes luksit, koncerteve, verës dhe tenderave, ndërsa qytetarët përballen me mungesën e nevojave bazë.
Deputetja vlerëson protestën e qytetarëve të Vlorës si një akt dinjiteti dhe qytetarie, duke theksuar se ata kanë të drejtë të kërkojnë shërbime minimal.
“Brunilda Mersini, kryebashkiakja e Vlorës, mësohet të ketë thënë : Pse ankohet populli për ujë dhe nuk lahen me shampanjë?!
E kanë shkatërruar Vlorën dhe Shqipërinë dhe jetojnë në botën paralele me koncerte, ballo, verë e tendera!!
Ju lumtë protestuesve vlonjat, plot dinjitet dhe qytetari.” – shkruan Zhupa në Facebook.
