Komisioneri Shtetëror i Zgjedhjeve, Ilirjan Celibashi ka bërë shpërndarjen e mandateve të deputetëve për qarkun e Tiranës, për secilin kandidat fitues në zgjedhjet e 11 Majit.
Sipas listës zyrtare të lexuar dhe të miratuar nga Celibashi, PS ka marrë 19 mandate në Tiranë, koalicioni “Aleanca për Shqipërinë Madhështore” ka marrë 13 mandate, Partia Mundësia 2 mandate dhe Lëvizja Bashkë 1 mandat.
Për shpërndarjen e mandateve për Partinë Socialdemokrate dhe koalicionin “Nisma Shqipëria Bëhet”, Komisioneri Celibashi kërkoi 30 minuta kohë për të shqyrtuar kërkesat e këtyre dy subjekteve.
Mandati i vetëm i koalicionit “Nisma Shqipëria Bëhet” ka shkaktuar përplasje të forta brenda grupimit. Koalicionin në KQZ e përfaqësoi përfaqësuesja ligjore Dorina Prethi, e cila kërkoi njohjen e dorëheqjeve nga gara të kandidatëve të listës së mbyllur. Ajo argumentoi se 12 kandidatët e kësaj liste kishin hequr dorë nga kandidimi dhe kërkoi që Celibashi t’ua njohë dorëheqjet, për t’i kaluar mandatin kandidatit më të votuar në Qarkun e Tiranës, Adriatik Lapaj.
Edhe PSD ka dorëzuar në bllok dorëheqjet e kandidatëve të listës së mbyllur, për t’i lënë mandatin kandidatit më të votuar nga votat preferenciale.
PS
Lista e mbyllur:
1-Edi Rama
2-Ogerta Manastirliu
3-Elisa Spiropali
4-Lindita Nikolla
5-Taulant Balla
6-Adea Pirdeni
7-Albana Kociu
8-Igli Hasani
9-Delina Ibrahimaj
10-Ilva Gjuzi
11-Iris Luarasi
12-Erjon Malaj
Lista e hapur:
13-Blendi Gonxhja
14-Erion Braçe
15-Anila Denaj
16-Ervin Hoxha
17-Fatmir Xhafaj
18-Olta Xhaçka
19-Ornaldo Rakipi
“Aleanca për Shqipërinë Madhështore”
Lista e mbyllur:
1-Sali Berisha
2-Flamur Noka
3-Albana Vokshi
4-Belind Këlliçi
5-Tedi Blushi
6-Jozefina Topalli
7-Fatmir Mediu
8-Edi Paloka
9-Erisa Xhixho
10-Mesila Doda
11-Klevis Balliu
12-Besart Xhaferri
Lista e hapur:
13-Jorida Tabaku
Partia Mundësia
1-Agron Shehaj
2-Erlad Kapri
Partia “Levizja Bashke”
1-Redi Muçi
