Është përshkallëzuar situata në protestën që po mbahet pasditen e kësaj të mërkure, në bulevardin Dëshmorët e Kombit, ku mijëra qytetarë janë mbledhur për të kundërshtuar projektin e ndërtimit të resortit luksoz, në Zonën e Zvërnecit.
Mijëra qytetarë janë drejtuar nga Sheshi Skënderbej drejt Kryeministrisë, por një gardh metalik i vendosur nga Policia e Shtetit, te Ura e Lanës, ka revoltuar protestusit, të cilët kanë rrëzuar barrierën metalike dhe kanë vërshuar drejt bulevardit.
Në kundërpërgjigje policia ka tentuar ti largojë me autobotë me ujë dhe piper, ç’ka e ka përshkallëzuar situatën.
Ndërkohë pak më herët kreu i Policisë, Skënder Hita, njoftoi se gardhi metalik ishte vendosur në kuadër të ndeshjes Shqipëri-Izrael që pritet të mbahet këtë pasdite në stadiumin Air Albania.
Kujtojmë se kjo është protesta e katërt e mbajtur në Tiranë për Zvërnecin.
