Sali Berisha, gjatë konferencës së sotme me gazetarët, u pyet nëse a do të ulet në bisedime me mazhorancën për të bërë reformën territoriale.
Lideri demokrat u përgjigj se nuk mund të ulen me Qeverinë e Edi Ramës për të biseduar, pasi nuk e njohin dhe se nuk mund të legjitimojnë farsën elektorale. Por sipas Berishës, do të ulen me PS-në, pasi ka rekomandime për reformën territoriale dhe do i shqyrtojnë ato.
Sali Berisha: PD nuk njeh legjitimitetin e Edi Ramës si kryeministër dhe nuk mund të pranojë të ulet me të. PD nuk mund të pranojë legjitimitet karrigesh mbi farsa elektorale. Ai nuk ka legjitimitet. Reforma zgjedhore bëhet nga partitë politike. Unë nuk them se PS nuk është një parti e spektrit politik në Shqipëri. Reformën zgjedhore e bëjnë partitë politike, nuk e bën qeveria. Ai po, bëri gjithçka, e anuloi reformën që u arrit, vuri dorën e tij të zezë dhe arriti ato që deshi. Por reforma zgjedhore është gjithnjë atribut i partive politike. PS është faktor politik i pluralizmit politik në Shqipëri, nuk u përcaktojmë ne kush do zgjedhë kryetar ajo apo kush është kryetari i saj, kështu që me PS ne nuk mund të themi se nuk do ulemi për reformën elektorale. Ka rekomandime dhe ne ato do i shqyrtojmë. Por jo me qeverinë, me qeverinë nuk kemi asnjë punë. Qeveria nuk ka legjitimitet në këto zgjedhje, ka humbur legjitimitetin.
