Numërimi i votave për zgjedhjet parlamentare të 11 votave, nuk po kontestohet vetëm nga opozita, por edhe nga mazhoranca, ku një numër i madh kandidatësh pretendojnë për tjetërsim të votave preferenciale brenda llojit.
Kanë qenë Xhemal Qefalia, Blerina Gjylameti, Eilda Gjonaj, Frrok Gjini, etj, të cilët kanë depozituar shkresat në KQZ ku kërkojnë pamjet filmike të numërimit të votave.
Nisur nga kjo situatë, ka patur një ndërhyrje të Edi Ramës, ku nuk i lejon kandidatët e tij as që të ankohen për vjedhjen e votave brenda llojit.
Gazetarja Enkelejda Mema raportoi për Euronews Albania se Edi Rama u ka dërguar një mesazh të gjithë kandidatlve në listë të hapur, ku iu ka kërkuar që të qetësohen, pasi me kërkesat në KQZ, po i dëmtojnë procesin zgjedhor.
“Burime të mia nga Partia Socialiste më bëjnë me dije që kryesocialisti Edi Rama u ka dërguar një mesazh të gjithë kandidatëve në listë të hapur, të tregohen të kujdesshëm dhe të qetësohen përsa i përket kërkesave të tyre në Komisionin Qëndror të Zgjedhjeve për të marrë pamjet filmike. Kërkesa vjen si një nevojë për të mos dëmtuar procesin zgjedhor, brenda partisë. Në burimet e mia, as Partia Demokratike nuk do të shkojë në mbështetje të kandidatëve për deputet në listë të hapur që kanë kërkuar pamjet në KQZ.” – tha Enkelejda Mema.
Dalin shkresat/ Cilët kandidatë kërkojnë nga KQZ pamjet filmike, pas dyshimeve për vjedhje votash
