GJKKO ka rrëzuar kërkesë e avokatëve të Sali Berishës për të shpallur si të pavlefshme vendimet e dhëna nga gjyqtarja Irena Gjoka.
Ndërkohë, gjyqtarja Flojera Davidhi ka përfunduar shqyrtimin paraprak të dosjes “Partizani”. Ajo ka tërhequr çështjen në dhomë këshillimi për të marrë një vendim.
Sipas mbrojtjes së kreut të PD, gjyqtarja Gjoka ka qenë e dënuar dhe vendimet e saj janë të pavlefshme. Sjellim në vëmendje se para dy javësh, Sali Berisha publikoi një dokument që tha se tregon dënimin në vitin 2005 të gjyqtares. Sipas Berishës, fshehja e këtij dënimi në formularin e dekriminalizimit nga gjyqtarja Irena Gjoka e bën të pavlefshëm çdo vendim të saj.
Por kjo nuk ishte hera e parë që mbrojtësit e Berishës kërkonin përjashtimin e Gjokës nga çështja e tij. Gjykata e Posaçme e Apelit vendosi edhe asokohe rrëzimin e kërkesës.
