Politologu Ilir Kalemaj është shprehur në MCN se Edi Rama mund të ketë pasur informacion prej 6 muajsh për zhbërjen e “non grata-s” së Sali Berishës dhe këtë e tregon edhe fakti se ai nuk e ka përmendur më.
Sipas tij, fakti që ky lajm vjen vetëm pak ditë para zgjedhjeve të 11 Majit, ka efekt ndikues tek votuesit demokratë.
“Gazetari që dha lajmin është një korrespodent i Shtëpisë së Bardhë dhe në deklaratën e DASH thuhet se nuk mund të lejojmë që marrëdhëniet politike me Shqipërinë të diktohen nga një vendimmarrje e politizuar e Joe Biden. Rama ka të paktën gjashtë muaj që nuk e ka përmendur termin “non grata”, ka përmendur buf, kënetë, por jo non grata. Dy gjëra nuk ka përmendur Rama, non grata dhe Erion Veliaj. Me gjasë diçka Rama di. Mendoj se Rama ka pasur gjashtë muaj para informacion se do zhbëhej non grata dhe për Ramën kjo nuk përbën argument politik. Fakti që për Berishën vjen pak ditë para zgjedhjes, është një efekt ndikues te votuesi i tij se mund të parandalohej që të merrej pushteti prej Berishës nga faktori ndërkombëtar.” – tha Kalemaj.
