Protestuesit kanë nisur marshimin drejt Kryeministrisë, ndërsa protesta antiqeveritare ka hyrë në ditën e saj të 57-të.
Gjatë gjithë kësaj periudhe, qytetarë të ardhur nga qytete të ndryshme të vendit, si edhe nga diaspora, kanë kërkuar ndryshime politike dhe kanë ngritur shqetësime për problematika në sektorë të ndryshëm socialë, politikë dhe ekonomikë.
Edhe këtë të diel, protestuesit janë mbledhur në sheshin “Skënderbej”, nga ku më pas kanë nisur marshimin drejt bulevardit “Dëshmorët e Kombit”.
Ashtu si në ditët e mëparshme, protesta pritet të vijojë për disa orë me fjalime dhe thirrje si: “Rama, jep dorëheqjen!”, “Rama në burg, Berisha në burg!” dhe “Shqipëria nuk është në shitje!”
Sipas organizatorëve, edhe në këtë tubim do të përsëritet kërkesa për dorëheqjen e kryeministrit Edi Rama dhe të qeverisë.
Më pas, marshimi pritet të vijojë në disa nga rrugët kryesore të Tiranës, ku protestuesit do të mbajnë pankarta dhe do të brohorasin sloganet e tyre.
