Forcat Operacionale të Policisë së Shtetit kanë arrestuar një grua, të shpallur në kërkim ndërkombëtar nga autoritetet italiane.
Në kuadër të operacionit të koduar “Operacionalja 44” është vënë në pranga shtetasja Majlinda Avduli alias Dajana Tafani, 47 vjeçe, banuese ne Elbasan. Ajo rezulton e dënuar me 10 vite burg në Itali për trafik droge.
“Kjo shtetase ishte shpallur në kërkim ndërkombëtar nga Interpol Roma, pasi Gjykata e Apelit e Kaliarit, Itali, në vitin 2016, e ka dënuar me 9 vjet, 6 muaj e 22 ditë burgim, për veprën penale “Trafikimi i narkotikëve”, kryer në kuadër të organizatës kriminale.” – thuhet në njoftimin e autoriteteve
Policia thotë se Interpol Tirana po bashkëpunon me homologët në Romë, për të finalizuar ekstradimin e kësaj shtetaseje, në Itali.
