Një tjetër lëvizje raportohet se do të ndodhë në Bashkinë e Tiranës.
Referuar burime të “VNA.al”, Elona Lalaj Xhelilaj do të marrë postin e Drejtorit të Përgjithshëm të Policisë Bashkiake duke zëvendësuar Toni Benit i cili njihej si një nga njerëzit e afërt të Veliajt në Bashkinë e Tiranës.
Ky emërim duket të jetë pjesë e “fshesës” për largimin e njerëzve të Veliajt në Bashkinë e Tiranës. Në detyrën e shefit të Policisë Bashkiake ishte komanduar Toni Beni i cili u shkarkua një muaj më parë.
Pas përplasjeve për postin e nënkryetarit të Bashkisë ku Veliaj emëroi Sara Goxhajn të cilën Rama e shkarkoi duke emëruar të preferuarën e tij Anuela Ristani, tashmë dhe drejtuesi i ri i Policisë Bashkiake duket të jetë një preferencë e kryeministrit i cili “nga larg” po tërheq fijet e drejtimit të Bashkisë më të madhe në vend./ VNA.al
