Arben Ahmetaj ka hedhur akuza të forta ndaj pasardhëses së tij në postin e zv.kryeministres, Belinda Ballukut, duke e konsideruar si plaçkitësen më të madhe të buxhetit të shtetit.
Sipas Ahmetajt, Balluku i ka shkaktuar dëm buxhetit sa dyfishin e tërmetit të vitit 2019 dhe sipas tij, vetëm me tunelin e Llogarasë ka anbuzuar sa për dy inceneratorët.
Në intervistën për Syri tv, Ahmetaj hodhio akuza edhe për SPAK, duke e konsideruar si nën urdhrat e Edi Ramës dhe se vepron vetëm ndaj opozitës dhe familjes së tij.
Arben Ahmetaj: Nuk është e vërtetë që SPAK nuk ka vepruar, ka vepruar ka akuzuar gruan dhe ish-gruan time. Ka vepruar ndaj dëshmimtarëve duke i kërcënuar, ka vepruar duke thënë tani që mbaruam me Berishën ja tregojmë ne atij. Avokati im më thotë se e kanë kthyer vlerësimin e “real estate” në shtëpinë time apo të Erjolës, sepse nuk iu ka pëlqyer. Ka vepruar në mënyrë shumë interesante. Po lexoja dje rastin e ish-kryetarit të Shkodrës, Bardh Spahia, të cilin nuk e njoh, por është skandaloze të mendosh që SPAK-u merret me një ish-kryetar se ky ka hequr një drejtor. Po në vitin 2013 a nuk ikën një dynja me drejtorë. Pse nuk merret me Edi Ramën që nuk ka zbatuar një vendim të Gjykatës Kushtetuese dhe tallet. Më gjeni një vend ku Prokuroria del me një deklaratë që i bën qejfin kryeministrit të Edi Ramës. Nuk ka lidhje fare me Olsi Ramën, por me SPAK-un, në çvend të botës del një Prokurori dhe thotë ne nuk e dimë kush është, por e dimë që nuk është Olsi.
Ka vepruar SPAK-u ka bërë dhe spektakël arrestimesh. Bën spektakle me arrestimin tim, del me plaçkitësen më të madhe të buxhetit të shtetit dhe me kreun e organizatës me kabriole dhe bëjnë spektakle me arrestimin tim dhe pastaj i thonë Top Channel, se e kanë TV të tyre, ku i thonë na bëj një portokalli, unë dhe Meta në të njëjtin qeli. Dhe pastaj me urdhër të kreut të organizatës bën arrestimin më të turpshëm sikur të ishte El Chapo.
Rama është kreu i organizatës. Belinda Balluku është plaçkitësja më e madhe e buxhetit të shtetit, më besoni në përllogaritjet e mia, duke marrë referenca nga bizneset. Dëmi që ka shkaktuar Balluku në buxhet ëstë dyfishi më i madhe se tërmeti i vitit 2019. Vazhdon të mbajë rekord në historinë e Shqipërisë, e ka çuar në 11 miliardë për tendera. Vetëm me tunelin e Llogarasë ka goditur baraz me dy inceneratorët të Fierit dhe Elbasanit.
