Policia e Gjirokastrës ka arrestuar një të ri, i cili akuzohet se ka ngacmuar seksualisht dhe ka kryer marrëdhënie seksuale me dhunë me një vajzë të mitur 14 vjeçe.
Në pranga është vënë shtetasi Xh. Ç., 32 vjeç, banues në Gjirokastër. Mbi të rëndojnë akuzat për veprat penale “Ngacmimi seksual” dhe “Marrëdhënia seksuale ose homoseksuale me dhunë me të mitur të moshës 14-18 vjeç”.
“Një shtetase 14 vjeçe ka kallëzuar se 32-vjeçari e ka ngacmuar seksualisht në mënyrë të përsëritur dhe gjatë muajit nëntor ka kryer marrëdhënie seksuale me dhunë me të.” – thuhet në njoftimin e Policisë.
Materialet procedurale i kaluan Prokurorisë së Gjirokastrës për veprime të mëtejshme.
