Rreth-rrotullimi i Bradasheshit në Elbasan ishte zona më e tensionuar e protestës së opozitës e cila për 3 orë paralizoi qarkullimin e automjeteve nga veriu në jug të vendit.
Gjatë aksionit të opozitës jo pak herë, protestuesit u provokuan nga policia e cila me urdhër nga lart e kishte porosinë e qartë: Të provokojë dhe të dhunojë protestuesit.
Gjatë protestës polici Roven Zeka pati përplasje të ashpër me deputetin demokrat, Tomorr Alizoti i cili po i kërkonte llogari përse policia shtyn dhe dhunon protestuesit.
“E zgjidhim ne atë punë!”, ishte përgjigja prej të “forti” i kryepolicit të Elbasanit Roven Zeka i cili pas përfundimit të protestës nisi “ushtrinë” për të arrestuar qytetarët, të mitur, gra dhe eksponentë të Partisë Demokratike.
Pas orës 20:00 një “ushtri” me efektivë dolën në terren për të arrestuar dhunshëm kush t’i dilte para duke mbushur plot furgonët e polcisë së Elbasanit.
Siç mund ta shihni nga pamjet më poshtë disa protestues në Elbasan u shoqëruan në polici, pas tensioneve dhe përplasjeve mes qytetarëve dhe uniformave blu.
Të revoltuar reaguan disa demokratë.
“Jeni kukullat e Edi Ramës apo jeni Policia e Shtetit”, u shpreh një protestuese.
- Kush janë të shoqëruarit në polici?
Burime zyrtare bëjnë të ditur se janë shoqëruar në komisariat protestuesit Hamza Lamce, Arben Pjetri, Agron Beqiri, Hamit Tabaku, Altin Bica, Edmond Pojani, Albi Bylykbashi, Aurel Bylybashi, Sokol Shkelzeni, Daniela Gjini, Dorian Koldashi dhe Enver Lamçe.
Policia shoqëroi 12 protestues pas incidenteve të shënuara rreth orës 19.00 në Elbasan. Shoqërimini tyre u bë pasi si shkak i tensioneve në rrethrrotullimin e Bradasheshit, pati përplasje fizike mes protestuesve dhe policisë.
Më poshtë shikoni pamjet se si policia merr me forcë protestuesit.
