Shtohen mediat e mëdha ndërkombëtare që e akuzojnë kryeministrin Edi Rama se po përdor drejtësinë për të goditur kundërshtarët politikë.
Këtë herë është Radio France International që shkruan se regjimi autokratik i Edi Ramës ka instrumentalizuar drejtësinë për të mënjanuar kundërshtarët.
Ish-presidenti shqiptar Ilir Meta, i cili kryeson Partinë e Lirisë, është arrestuar të hënën me urdhër të Prokurorisë së Posaçme Kundër Korrupsionit në Tiranë. Ai akuzohet për korrupsion, pastrim parash dhe mosdeklarim të pasurisë.
Në Shqipëri reforma në drejtësi paraqitet si një “sukses” i komunitetit ndërkombëtar. Në fakt, ajo është instrumentalizuar nga regjimi i Edi Ramës për të mënjanuar kundërshtarët duke forcuar legjitimitetin e tij në skenën ndërkombëtare.
Pavarësisht kësaj, edhe këtë vit Shqipëria ka thyer një rekord vizitorësh të huaj. Këto suksese i japin krahë vendit të Shqiponjave, të cilësuar si perla e re e Ballkanit. Megjithatë, infrastruktura dhe urbanizimi masiv i ndërmarrë nga qeveria kërcënojnë të komprometojnë burimet unike natyrore,” raporton media e njohur.
