Deputetja e PD, Lindita Metaliaj ka treguar më shumë detaje nga takimi i ligjvënësve demokratë me komisionerët dhe eurodeputetët në Parlamentin Evropian në Strasburg.
Metaliaj tha se informimi nga ana e deputetëve të PD, në fokus ishte niveli i lartë i korrupsionit në Shqipëri, përfshirë institucionet e saj ligjore.
Sipas saj, asnjë nga ndërkombëtarët nuk ishte në dijeni të asaj se çfarë po ndodh në vendin tonë, apo lidhjet e qeverisë me bandat kriminale.
Për ligjvënësen demokrate, është keqardhje se si Rama ka ndikuar te ndërkombëtarët për t’u paraqitur atyre një Shqipëri ‘normale’. Metaliaj tha se PD dhe opozita është e vendosur për mosbindje civile, si e vetmja formë dhe mënyrë për të ndalur burgosjet e mëtejshme politike dhe garantimin e zgjedhjeve të lira e të ndershme, përmes qeverisë teknike.
“Ne ishim për të informuar ndërkombëtarët për nivelin e lartë të korrupsionit ku ndodhet Shqipëria, të gjitha institucionet janë të kapura në nivelin më të lartë të korrupsionit. Informuam në lidhje me arrestimet e bujshme për asgjësimin e opozitës, që me liderin e opozitës, Sali Berisha në arrest shtëpie prej 10 muajsh. Të burgosjes së Salianjit me burg për një denoncim që rezultoi i vërtetë. Arrestimi i bujshëm i ish-presidentit Meta. Vëmendja e ndërkombëtarëve ishte e shtuar. Takimi me McCalister, Oliver Varhelyi, eurodeputetë të tjerë, që kanë takuar përfaqësues të opozitës dhe kanë parë dokumentacionin ulëritës, një skaner i kësaj qeverisje dhe drejtësisë së kapur.
Është për të ardhur keq. Me keqardhje ndërkombëtarët s’kishin fare informacion për atë që thuhet. Përmes lobimeve, Rama ka paraqitur panoramë krejt tjetër. Situatë dramatike. Për një vend aspirant në BE, të eleminohen zgjedhjet e lira e të ndershme, janë habitur. Të asgjësohet Kushtetuta, të mos zbatohen vendimet e saj që janë detyruese. Shkel me të dyja këmbët Kushtetutën e vendit. Rama përveç parave të krimit dhe lidhjet me bandat, ai po godet fuqishëm edhe opozitën, duke tentuar ta asgjësojë për të qenë i vetëm në betejën elektorale. Ne thamë që s’tërhiqemi, do ia faktojmë të gjitha lidhjet kriminale dhe problematikën, betejë dhe mosbindje civile. Na ka shpallur luftë e luftë do ketë. Ne nuk do të tërhiqemi sot, sepse shqiptarët kanë shpresë te ne.
Mosbindje civile në emër të qytetarëve që përfaqësojmë. Jemi për të mbrojtur interesin e qytetarëve, ndaj jemi këtu. Mosbindje do të thotë të mos i nënshtrohesh Edi Ramës. Të mos pajtohesh me vendimet korruptive të Ramës, me zullumet e qeverisë. Në emër të qytetarëve t’i përfaqësosh kudo ku ke mundësi. Dhe s’mund të ketë normalitet, sepse ka vajtur aty ku s’ka ku shkon më. Kërkojmë qeveri teknike për të garantuar zgjedhje të lira e të ndershme. Pamë se si listën e Durrësit e bënin bandat kriminale, kjo është në të gjithë Shqipërinë. Vota e sovranit s’lexohet. Dy duar për një kokë janë, detyra jonë të denoncojmë me emra të lidhjeve të qeverisë me krimin e organizuar. Përmes burgosjeve dhe arrestimeve politike pas denoncimeve, është qëllimi i Ramës të na nënshtrojë e të na vërë prangat për këdo që denoncon aferat korruptive. S’mund të pranojmë më, të jemi me kokën ulur, duhet t’i dalim zot vendit tonë. Shqipëria po boshattiset, sepse i ka kapur frika, sepse ose futesh në burg ose të hiqet buka e gojës”, tha Metaliaj për Syri tv.
