Një sherr i përgjakshëm ka ndodhur mes dy klientëve shqiptarë të një kafeneje mbrëmjen e djeshme në Irakleo të Kretës, ku njëri ka sulmuar me thikë, duke plagosur rëndë tjetrin.
Ngjarja ndodhi rreth orës 21.00 të së shtunës mbrëma në rrugën “Minoos” në zonën e Therisos në Irakleo.
Autori ka sulmuar 35-vjeçarin shqiptar duke e goditur me thikë në bark dhe duke i shkaktuar dëmtime në shpretkë dhe mëlçi.
35-vjeçari është rrëzuar në rrugë i gjakosur, ndërsa autori është larguar.
Në vendngjarje ka mbërritur një ambulancë e EKAV, e cila e ka dërguar të plagosurin në spitali ku po trajtohet ende dhe ndodhet në gjendje të rëndë.
![Shqiptar2](https://www.balkanweb.com/wp-content/uploads/2024/09/shqiptar2.jpg)
Sipas informacioneve, autori dhe viktima janë të njohur për autoritetet dhe vlerësohet se shkak i episodit të përgjakshëm ka qenë larja e hesapeve për drogën.
Autori është identifikuar dhe po kërkohet nga policia.