Një aksident me makinë orët e para të mëngjesit të sotëm në zonën Chions in via Cesena të Italisë, i ka marrë jetën 21-vjeçarit shqiptar Ani Gjergji.
Shkak i aksidenti dyshohet se ka qenë shpejtësia e madhe, por nuk përjashtohet edhe pista që të riun shqiptar ta ketë zënë gjumi në timon.
U mësua se ai ka dalë nga rruga dhe ka përfunduar në një urë të vogël betoni dhe menjëherë mjeti ka shpërthyer në flakë dhe ka shkrumbuar plotësisht makinën.
I riu ka mbetur i bllokuar në mjet duke mos arritur të dalë, e duke u djegur plotësisht, teksa po kthehen në banesë ë tij pas një feste me miqtë.
Mediat italiane shkruajnë se Ani Gjergji bashkë me familjen e tij jetonte prej shumë vitesh në zonën e Azzano Decimo (Pordenone), shumë pranë vendin të ngjarjes.
Ndërkohë, mësohet se autoritetet kanë sekuestruar mjetin e 21-vjeçarit, i cili është shkatërruar plotësisht nga flakët, ndërsa vijojnë hetimet për zbardhjen e plotë të aksidentit fatal.
