Më 17 Shkurt 2024 u shemb ura dhe shumë pjesë rruge Korçë-Ersekë.
Edi Rama dhe Belinda Balluku e kishin e përuruar dy herë ndonëse ende nuk ishte marrë në dorëzim. Shembja tregoi mashtrimin që bëhet me paratë publike dhe autoritetet premtuan hetim.
Emisioni ‘Plug’ në Prill 2024 tregoi se inxhinieri Korçar Romeo Nazarko kish 4 vjet që e kishte dërguar në SPAK kallëzimin penal, por askush nuk kishte vepruar.
Inxhinieri Nazarko kish depozituar kallëzim penal qysh më 30 Tetor 2020 në SPAK për këtë vjedhje dhe kishte paditur ministren Balluku, ish-drejtorin e rrugëve vjerdho, etj.
82 milion euro vjedhje Rruga Korçë-Ersekë!
Prokurorët që vijojnë e mbajnë në sirtar prej 4 vitesh dhe amnistojnë vjedhjen janë Arben Kraja dhe Enkeleda Millonai, të njëjtët prokurorë politikë që u kapën në mashtrim publik të shumëfishtë në përpjekjen për të luftuar politikisht liderin e opozitës.
6 muaj kaluan nga shembja e rrugës. Asnjë përgjegjësi!
4 vjet po mbushen nga kallëzimi i inxhinier Nazarkos, asnjë përgjigje.
82 milion euro dëm financave të shtetit, por kur dëmin e bën Edi Rama, prokurorët politikë bëhen mburojë e vjedhjes.
3 vjet kaluan qysh kur zv. Komandandi i Forcave Detare Artur Meçollari bëri kallëzimin për vjedhjen nga Edi Rama të Bazës Ushtarake Detare Limioni me 265,000 m2 tokë në Sarandë, z. Meçollari kallëzoi penalisht ish-ministren Xhaçka, ish-shefin e shtabit – sot president Bajram Begaj, etj.
Baza Ushtarake është pjesë e Planit të Përhapjes së Forcave të Armatosura ndaj tjetërsimi ishte i kundraligjshëm. Para 1 viti SPAK njoftoi sekuestron preventive të Limionit, por pa asnjë masë tjetër.
Prokurore e SPAK që po merret me këtë çështje figuron “rastësisht” Enkeleda Millonai, e sponsorizuar nga Taulant Balla në SPAK.
Kush janë përgjegjësit për shkeljen e ligjit? Sipas Millonait nuk ka ende asnjë.
Gjatë hetimeve të dyshes Kraja-Millonai ka rezultuar se shtetasi Edi Rama i ka dhuruar kompanisë së drejtuar nga vëllai i tij Olsi Rama plot 37,000 m2 tokë dhe 5,160 m2 sipërfaqe zyrash vetëm me 1 firmë (VKM 183 datë 9.3.2016) e për 1 €.
Toka nuk iu kthye familjeve pronare (Deliu dhe Lici) se kinse ishte në Planin e Përhapjes si zonë ushtarake, por nuk ndaloi përvetësimin për vëllain e Edi Ramës. Prokurorja Millonai përsëri vijon të mbyllë sytë dhe gojën para kësaj vjedhjeje.
Kjo ishte përqasja e kësaj prokuroreje në rastet me pronat publike apo financat publike.
Nga ana tjetër, le të shohim zellin antiligjor të po të njëjtës prokurore në rastin e kallzimit të sponsorit të saj për në SPAK, Taulant Ballës.
Taulant Balla depozitoi kallëzim penal kundër Sali Berishës, Arben Imamit dhe personave privatë për gjoja vjedhje të tokës së shpronësuar nga Italia (nga Jake Mane siç e njeh doktori me plagjiaturë Taulant Balla – Jakomonin).
Fletroret zyrtare provojnë kallëzimin e rremë të Taulant Ballës, por për prokuroren Millonai, Taulant Balla është mbi ligjin dhe nuk mund të mbajë përgjegjësi për kallzimin e rremë.
Prokurorja Millonai ka administruar vendimin gjyqsor të formës së prerë, ku rezulton se Edi Rama ka sjellë 320,000 euro dëm në financat publike, por nuk guxon as të shprehet dhe as të ngrejë akuzë ndaj Edi Ramës.
Nga ana tjetër, kamikazët politikë të Edi Ramës dhe Taulant Ballës mbajnë në arrest politik Sali Berishën dhe Jamarbër Malltezin pse ju kthye sendi i vjedhur nga komunistët – toka private familjeve të vjetra private vetëm pse Malltezit iu kthye nga prona e gjyshes së tij me pak se 1% e tokës.
Ndonëse nuk ka asnjë qindarkë nga financat publike, për investimin privat në tokë private, prokurorët politikë mbajnë në arrest liderin e opozitës pa asnjë fakt, pa asnjë dëshmi, por vetëm me urdhrat politike.
Grotesku vijon kur shkruajnë se kërkojnë zgjatje hetimesh dhe arresti, se gjoja po hetojnë nëse ka pasur apo jo oponencë teknike projekti arkitekturor i studios private Daniel Libeskind në investimin krejtësisht privat!
Mashtrimet dhe keqpërdorimi politik i prokurorëve ka dalë në pah për ata që kanë sy dhe mendje të pavarur (shih më poshte):
Për investim privat në tokë private, pa asnjë lidhje me publiken, prokuroret politike sekuestruan 25 prona dhe llogari të Jamarbër Malltezit qysh të kohës së para 20 viteve kur ai punonte për OKB në Kosovë.
Urrejtja politike i verboi sytë dhe turbulloi arsyen. Janë të njëjtët që nuk kanë sekuestruar asnjë cent e asnjë pronë as nga vjedhja 82 milionëshe e rrugës, as nga bosët faktikë të inceneratorëve, as nga vjedhja e bazës së Limionit, as nga vjedhja e repartit ushtarak për interes të biznesit të Edi Ramës.
Në një akt urrejtje të pashembullt, prokurorja politike urdhëroi sekuestrimin e dosjes gjyqësore civile për shpifje që Jamarbër Malltezi kishte paditur Taulant Ballën./ SYRI
