Kreu i PD-së, Sali Berisha gjatë fjalës së mbajtur në tubimin e sotëm, është ndalur sërish tek skandali i spitalit Onkologjik, ku mjekët kishin krijuar një skemë abuzive të transfermit të pacientëve me kancer drejt klinikave private.
Berisha tha se në çdo spital të administratës korruptive të Edi Ramës gëlon, nxin korrupsioni, pasi sipas tij, bajlozi i zi i vjedhjes dhe korrupsionit është Edi Rama. Lideri demokrat risolli denoncimin e 8 Qershorit 2020 të qytetarit dixhital, i cili denonconte se si drejtori i QSUT-së Enkelejd Joti dhe ish-ministrja e Shëndetësisë Ogerta Manastirliu kanë vjedhur 100 përqind me tenderat sekrete paratë e ilaçeve për të sëmurët e Spitalit Onkologjik
Sali Berisha: Sot çdo njeri i madh dhe i vogël pavarësisht edhe nga bindjet e tij është i tronditur thellësisht me ato që mediat kanë paraqitur mbi gjendjen katastrofale të vëllezërve, motrave, nënave, baballarëve, fëmijëve, të rriturve në Spitalin Onkologjik të vendit. Unë ju garantoj ju se në çdo spital të administratës korruptive të Edi Ramës gëlon, nxin korrupsioni dhe vetëm korrupsioni. Kjo sepse bajlozi i zi i vjedhjes dhe korrupsionit është Edi Rama. Unë jam këtu sot, do të më lejoni të lexoj para jush sonte një denoncim të qytetarit dixhital të bërë me 8 qershor 2020 dhe të publikuar në të gjitha portalet kryesore të vendit. Qytetari dixhital shkruan se Joti, Veipi dhe Ndrikull Hajnia kanë vjedhur 100 përqind me tenderat sekrete paratë e ilaçeve për të sëmurët e Spitalit Onkologjik. Pra, kanë porositur, nuk kanë marrë asnjë ilaç dhe kanë futur në xhep paratë sikur ilaçet kanë ardhur. Këtu më poshtë është postimi i plotë. E kam publikuar në atë kohë si ‘breaking news’. “Të sëmurët me kancer mbeten pa radioterapi! Mafiozët Joti dhe Veipi likuidojnë substanca radioaktive që nuk kanë ardhur në Shqipëri! Parate e tyre vidhen me tendera sekrete! Të sëmuret me kancer mbeten pa radioterapi. Katër punonjës që nuk pranojnë presionin që të firmosin krimin japin dorëheqje ose shkarkohen nga detyra nga mafiozet Joti dhe Veipi, të cilët kanë mbështetjen e Ndrikull Hajnise apo Korbës së Kovidit, siç është Manastirliu. Doktor, më thotë qytetari, kam një lajm urgjent. Rezart Veipi, drejtor i IT dhe inxhinierisë klinike në dhjetor përzuri shefin e sektorit të inxhinierisë klinike Ardit Çaushi. Arditi nuk firmoste kontratat sekrete me Fedosin për materialet radioaktive. Sektori në fjalë ishte pa shef dhe likuidimet e materialeve radioaktive i firmoste Rezart Veipi sikur ato kishin ardhur, por në të vërtetë kontratat ishin sekrete dhe asnjë miligram nuk kishte ardhur në Shqipëri. Asnjë ilaç nuk ishte futur në territorin e Shqipërisë. Ne vazhdimësi nga janari në prill, pagesat i firmosi Rezart Veipi. Pas denoncimit nga qytetari dixhital, se kisha bërë një denoncim të mëparshëm, Rezart Veipi dhe Enkelejd Joti ushtruan dhune verbale tek vartësit që nuk firmosnin. Shefja e radiologjisë, Drilona Kishta nuk pranoi se ka paraqitur dorëhëqjen pikërisht për këtë arsye. Dhuna verbale vazhdoi dhe me shefen e teknologjisë së informacionit që nuk pranoi të firmosë tenderat sekrete fiktive. Enkelejd Joti, Rezart Veipi e hoqën nga puna. Shikoni mor çfarë barbarësh. E hoqën edhe nga puna edhe zonjën Belina Hoxhën që nuk firmoste, shefe e teknologjisë së informacionit. Ndërkohë në të tille situatë edhe Majlinda Shehu, drejtoreshe juridike largohet vetë nga ky llum. Ndrikull Hajnia është informuar disa herë, por ajo ndan paratë me ta.
Pra, të sëmurët presin mjekimin me materiale, ata mbetën pa asnjë mjekim. Të tjerë presin analizat për diagnozë, ata nuk mund të diagnostikohen. Joti dhe Rezarti vjedhin paratë e prokurimeve sekrete në xhepat e tyre dhe të sëmurët i lënë në mëshirën e fatit së bashku me Korbën e Kovidit, Zonjën Vdekja siç mund ta quani, e cila si shpërblim për të gjitha këto, na kalon ministre Arsimi. Turp faqezi o Edi Rama se kombi nuk ka pasur kurrë si ti.
Ti ke një urrejtje gjenetike ndaj shqiptarëve. Ti urren shqiptarët më shumë se çdo pushtues i ka urryer ata. Ja pra miq se çfarë race janë këta, çfarë soji janë këta.
