Kryetarja e Kuvendit, Lindita Nikolla ka ndërprerë seancën plenare, ende pa nisur mirë.
Shkak është bërë ngritja e deputetëve të Partisë Demokratike, të cilët u revoltuan pasi Nikolla refuzoi kërkesën për mocion me debat për investigimin e RAi 3, si dhe refuzoi edhe kërkesën e grupit parlamentar të PD-së për të rikthyer Sali Berishnën në grup.
Kjo ka bërë që Nikolla të ndërpresë për 5 minuta seancën. Deputetët e PD-së i kanë kërkuar llogari Nikollës se pse nuk ndjek të njëjtin standard, kur pak kohë më parë pranoi kërkesën për rikthimin e disa deputetëve të PD të përjashtuar nga Lulzim Basha dhe sot nuk pranon kërkesëmn për Sali Berishën.
Spaho: Ju detyron të njoftoni që Berisha është pjesë e grupit, ca keni ju me vendimet e grupit të PD. Është përgjegjësia jonë të pranojmë në grup ose jo. Ku e gjeni ju të drejtën të merrni vendime të tilla.
Nikolla: Futet me vendim partie në grup.
Baçi: Para disa kohësh keni marrë një vendim për futjen në grup e PD të disa deputetëve të përjashtuar. Janë dy standarde, janë dy qëndrime të kundërta, jeni në shkelje të ligjit.
