Dhuna ndaj avokatit Sokol Mëngjesi është kthyer në temë diskutimi në Komisionin e Ligjeve.
Deputeti Asllan Dogjani ka bërë thirrje për zbardhjen e të vërtetës, ndërsa tha se për sa kohë që sulme të tilla ndodhin në mes të ditës në një zotë të populluar si ajo e ish-Bllokut, ndaj një avokati e pedagogu, tregon se bandat e krimi nuk kanë frikë nga ligji.
Dogjani: “Bandat e krimi nuk kanë frikë nga ligji. Qytetarët janë të pasigurt kur krimi godet në mes të Bllokut ndaj një avokati, mendoni se çfarë mund të ndodhë ndaj qytetarëve të thjeshte. Dënoj sulmin dhe autorët të vihen para përgjegjësisë penale, ndryshe kështu siç po veprohet, që qytetarët po detyrohet të bëjnë vetëgjyqësi sepse rendi nuk zbatohet, shqiptarët po detyrohen të largohen nga vendi”
Ndërkohë kryetarja e Komisionit, Bushka tha se nuk duhet dalë në konkluzione, ndërsa shtoi se organet e drejtësisë po punojnë për të zbardhur të vërtetën.
- Çfarë ndodhi mëngjesin e sotëm në ish-Bllok?
Një ngjarje e dhunshme ndodhi mëngjesin e sotëm në ish-Bllok, ku avokati Sokol Mëngjesi u qëllua me grushte dhe leva nga persona të paidentifikuar.
Gjithçka ndodhi pasi Sokol Mëngjesi, ashtu si për çdo ditë çonte djalin e tij në kopsht. Tre persona, të cilët ka dyshime se kishin planifikuar gjithçka, pasi prej ditësh mendohet se ndiqnin avokatin, i kanë zënë këtij të fundit dhe e kanë dhunuar. Kjo gjë është faktuar dhe nga kamerat e sigurisë të zonës që duket se kanë filmuar gjithçka.
Sakaq, avokati ndodhet në spital, pasi ka dëmtime në kokë dhe trup, për shkak të goditjeve që ka pësuar nga grushtet, por dhe leva.
Policia po punon për identifikimin e autorëve. Sakaq, në vendin e ngjarjes ndodhet një grup i posaçëm hetimor i ngritur nga prokuroria dhe komisariati nr.2.
Lexo edhe:
Detaje/ Si u dhunua avokati Sokol Mëngjesi, autorët i bënë “pritë” pranë kopshtit të djalit
