Një 39-vjeçar i shpallur në kërkim është arrestuar ditën e sotme nga Policia, pasi akuzohet për plagosje me dashje.
Në pranga ka rënë shtetasi Adem Daija, i cili një vit më parë ka plagosur me thikë një 26-vjeçar në lagjen “Qemal Stafa”, Shkodër, pas një konflikti të çastit.
“Komisariati i Policisë Shkodër ndaloi shtetasin A. D., 39 vjeç, banues në Vaun e Dejës. Ai ishte shpallur në kërkim kombëtar, pasi më datë 26.06.2023, në lagjen “Qemal Stafa”, Shkodër, pas një konflikti për motive të dobëta, dyshohet se ka goditur me send të fortë, në kokë, shtetasin O. H., 26 vjeç, si dhe se e ka kanosur atë, për jetën, me armë zjarri”,- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Shkodër.
