Po i jepet sot (5 qershor) lamtumira e fundit Enea Mekollit, efektivit të policisë i cili u vra nga i dënuari për drogë, Violand Braçellari, gjatë një operacioni të zhvilluar për kapjen e tij dje në Lozhan të Maliqit, ku u plagos edhe efektivi tjetër Edison Adri.
Homazhet në nderim të tij nisën pranë Qendrës Kulturore të Pogradecit, të cilët nisën në orën 10:00 deri në 12:00.
Qindra qytetarë, miq dhe kolegë mes lotësh, janë mbledhur për të shprehur respektin dhe mirënjohjen ndaj sakrificës së tij.
Ceremonia e përcjelljes për në banesën e fundit do të mbahet në orën 14:00 në fshatin Blacë, ku Enea Mekolli do të prehet mes dhimbjes së familjes dhe nderimit të komunitetit.
Familja kërkoi që Enea të prehej në vendlindjen e tij dhe jo në Varrezat e Dëshmorëve në Tiranë.
