Kryetari i grupit parlamentar të Partisë Demokratike, Gazment Bardhi, i ka bërë thirrje Lulzim Bashës dhe deputetëve që e mbështesin, që të bashkëpunojnë për Reformën Zgjedhore.
I ftuar në studion e emisionit Opinion për të folur për dakordësinë mes PS dhe PD për komisionet hetimore, Bardhi i bëri ftesë sërish Bashës për reformën zgjedhore për të pasur gjithëpërfshirje.
LEXO EDHE: Bardhi i la një vend në komisionin për reformat, Basha refuzon: Nuk jemi nisur për karrige
Ndër të tjera, Gazment Bardhi hodhi akuza ndaj Lulzim Bashës se po përdoret nga mazhoranca, madje përmendi edhe emra.
Gazment Bardhi: Ne do merremi vetë me Ramën, siç ju e keni vënë re Basha është kurdisur kundër opozitës. Unë e di dhe se kush e kurdis.
Blendi Fevziu: Kush e kurdis?
Gazment Bardhi: E kurdis Taulant Balla. E kurdis sa herë ka nevojë për zhvendosur vëmendjen e betejës mes opozitës dhe mazhorzncës. Në vend që të mbajë zotimin se ka bërë një zotim publik që të ulim armët dhe të punojmë të gjithë bashkë dhe të kemi një koncept të përbashkët me Reformën Zgjedhore. Tani që grupi parlamentar thotë po zotëri je i ftuar që të marrësh përgjegjësi. Dëshiron të mos jetë përballë Edi Ramës, por krah Edi Ramës.
