Paraditen e sotme janë regjistruar të shtëna nënë rrugën “Bedri Shala” në Prishtinë. Mësohet se nga të shtënat ka mbetur i plagosur një person.
Zëdhënësja e Policisë për rajonin e Prishtinës, Flora Ahmeti u shpreh se ngjarja u regjistrua rreth orës 10:00 ndërsa policia është duke ndërmarrë veprimet hetimore për zbardhjene plotë të rastit.
“Rreth orës 10:00, policia ka marrë informatën për të shtëna me armë në rrugën “Bedri Shala” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për një person të lënduar, i cili dyshohet të ketë marrë lëndime nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit”, tha Ahmeti.
