Deputeti i Partisë Demokrtike, Flamur Noka nga Elbasani ka bërë thirrje për pjesëmarrje masive në protestën e 20 shkurtit.
Gjatë takimit me demokratët, Noka u shpreh se Shqipëria ka ecur drejt greminës dhe se vendi varet nga humori i një njeriu të vetëm, Edi Ramës.
Flamur Noka: “Shqipëria ka ecur drejt greminës. Nuk jemi në një shtet ku nuk respektohen institucionet, qytetarët e ligjet. Jemi në një shtet të një njeriu, ku jeta e gjithkujt varet nga humori i një njeriu, i Edi Ramës, është rreziku serioz për demokracinë dhe të ardhmen e këtij vendi.
E kemi parë çfarë është në gjendje të bëjë me taksat tuaja, aferat e tij në 10 vite kanë qenë të tilla sa nuk kemi mundur t’i denoncojmë të gjitha. E gjithë panorama 10-vjeçare e këtij njeriu ka vetëm një fytyrë, atë kriminale, Ka ardhur koha ti themi stop Ramës dhe regjimit të tij. Rrëmbeu portin e Durrësit, ia dha një arabi me hije të dyshimta, pas të cilit fshihet vetë.
Është koha që të ngrihemi dhe t’i japim përgjigje Ramës e regjimit të tij. Askush nuk ka as më të voglin iluzion se Rama do të përgjigjet dhe do të marrë atë që meriton. Për inceneratorin e Tiranës, Veliaj duhet të përgjigjet e të shkojë para drejtësisë. Edhe Gentian Llataj, i zhytur në krim korrupsion, e batak po vazhdon e kullandriset vetëm e vetëm se ka drejtësi me regji dhe regjisori i kësaj drejtësie është Rama.
Berisha që ka qeverisur këtë vend me duart më të pastra, simbol i antikorrupsionit është i burgosur politik sepse s’ka drejtësi të re. Është atje sepse tha të vërteta të mëdha, ndaj Rama nuk e duroi dhe dha urdhër për arrestimin e tij.”
