Dy persona janë proceduar në gjendje të lirë nga policia, pasi akuzohen për vepra të ndryshme penale.
Procedimi ka nisur për shtetasin D.D, 38-vjeç pasi është përfshirë në një sherr në Librazhd, dhe për shtetasin D.K, 30-vjeç pasi është përfshirë në aksident në Elbasan.
Njoftimi:
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi në gjendje të lirë për shtetasin D. D., 38 vjeç, banues në Librazhd, pasi dyshohet se për motive të dobëta, ka goditur me grushte, një 34-vjeçar.
Specialistët e Sektorit të Qarkullimit Rrugor referuan materialet në Prokurori, ku nisi procedimi në gjendje të lirë për shtetasin D. K., 30 vjeç, banues në Maqedoninë e Veriut, pasi mbrëmjen e djeshme, në unazën e qytetit të Elbasanit, kamioni që drejtonte 30-vjeçari, është përplasur me automjetin me drejtues shtetasin F. B., 30 vjeç, banues në Kavajë. Si pasojë e përplasjes janë dëmtuar lehtë drejtuesi i automjetit dhe pasagjeri në këtë automjet. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme
