Sot kushtet atmosferike në jug të vendit ndryshuan papritur, duke sjellë surpriza të pakëndshme për banorët e Delvinës.
Pas ditëve me temperatura të larta, qyteti dhe rrethinat e tij u përfshinë nga reshje të dendura shiu, të shoqëruara edhe me breshër.
Për rreth 20 minuta, breshëri mbuloi rrugët e qytetit dhe fshatrat përreth, duke krijuar një panoramë të pazakontë për fillimin e verës.
Ky fenomen atmosferik solli pasoja të rënda për sektorin bujqësor.
Fermerët e zonës raportuan dëme të konsiderueshme në pemët frutore, agrume, ullinj të rinj si dhe në perimet e stinës.
Breshëri i qershorit rrezikon të ndikojë ndjeshëm prodhimin e këtij sezoni, duke sjellë humbje të mëdha ekonomike për familjet që jetesën e sigurojnë nga bujqësia.
