Një 40-vjeçar shqiptar është qëlluar me armë zjarri në Itali. Bëhet fjalë për shtetasin Ilir Kadiu, i cili ka qënë duke udhëtuar me biçikletë, kur është qëlluar me armë zjarri dhe ka mbetur i plagosur.
Ngjarja ka ndodhur mbrëmjen e kaluar në Acerra në komunën e Campania, shkruajnë mediat e huaja.
Kadiu është transportuar në spital dhe ndodhet jashtë rrezikut për jetën, ndërsa raportohet se ai është një emër i dëgjuar për policinë.
Më herët 40-vjeçari rezulton se është arrestuar si pjesë e një bande grabitësish.
Autoritetet vijojnë hetimet për zbardhjen e potë të rastit, ndërsa paraprakisht dyshohet se kemi të bëjmë me një atentat, autorët e të cilëve ende nuk dihen.
