Gjykata e Durrësit ka lënë në burg, Gëzim Cekun, 44-vjeçari i akuzuar për tentativë përdhunimi ndaj së bijës 14-vjeçare.
Ngjarja ndodhi të shtunën e kaluar në zonën e Spitallës. Familja kishte pak kohë që ishte zhvendosur në këtë zonë dhe jetonte me qira.
Ceku akuzohet se ka dhunuar psikologjikisht gruan e tij e më pas u zbulua se ka tentuar të kryejë marrëdhënie me vajzën e tij të mitur.
Rasti u denoncua nga gruaja e 44-vjeçarit. Ndërsa ky i fundit ka mohuar akuzat para trupës gjykuese. Sipas tij gjithçka është inskenim nga bashkëshortja dhe vajza.
