Dy shtetas janë arrestuar ditën e sotme në Cerrik, pasi akuzohen se organizonin baste sportive përmes celularit.
Në pranga kanë rënë O.O., 25 vjeç dhe R.S., 56 vjeç. Ndërkohë në cilësinë e provës materiale janë sekuestruar dy celularët.
“Specialistët për Hetimin e Krimeve të Komisariatit të Policisë Cërrik, në vijim të punës për goditjen e veprimtarive të kundërligjshme në fushën e lojërave të fatit, bazuar në informacionet e siguruara nga inteligjenca informative, për 2 shtetas që organizonin baste sportive me anë të celularëve, kanë organizuar punën për kapjen e tyre. Si rezultat janë arrestuar në flagrancë shtetasit:
-O. O., 25 vjeç dhe R. S., 56 vjeç, të dy banues në Cërrik, pasi në celularët e tyre u gjetën të hapura faqe për vënien e basteve sportive. 2 celularët u sekuestruan në cilësinë e provës materiale”,- njofton Policia.
