Policia Gjermane, ka zhvilluar një operacion antidrogë, në kuadër të së cilit kanë sekuestruar 240 kg kokainë dhe janë arrestuar 9 persona.
Mediat e huaja bëjnë me dije se, operacioni është zhvilluar mëngjesin e sotëm, ku janë ekzekutuar 17 urdhër-kontroll në katër shtete federale dhe pesë urdhër-arreste. Hetimet më pas i kanë cuar efektivët në gjurmët e nëntë shtetasve të arrestuar të moshës 26 deri në 41 vjeç.
Sipas hetimeve, të dyshuarit janë 3 nga Gjermania, 3 nga Shqipëria dhe 3 nga Maqedonia, të cilët kishin akses në kontejnerët që ishin të implikuar në kontrabandën e kokainës.
Në kontier u gjetën 240 kilogramë kokainë që vinte nga Amerika e Jugut dhe ishte depozituar në portin e zonës O’Sëaldkai (Kleiner Grasbrook).
Oficerët konfiskuan gjithashtu një BMW të cilësisë së lartë si mjet i dyshuar krimi. Vlerësimi i provave është ende në vazhdim.
Kreu i Zyrës së Policisë Kriminale të Shtetit të Hamburgut, Jan Hieber, theksoi: “Bashkëpunimi i gjatë, i mirë dhe i ngushtë midis doganave dhe policisë, në grupin e përbashkët të hetimit të drogës është vërtetuar edhe një herë. Autorët e brendshëm të logjistikës portuale luajnë një rol shumë qëndror në kontrabandën e importeve dhe për këtë arsye janë në fokus të autoriteteve ligjzbatuese. Prandaj ky sukses është një sinjal i rëndësishëm edhe për organizatorët e tregtisë së organizuar ndërkombëtare të drogës”.
“Sot autoritetet hetimore kanë arritur të japin një goditje të rëndësishme kundër kontrabandës së importit të kokainës përmes portit të Hamburgut.
“Shumë më e rëndë se kapja e kokainës është identifikimi dhe arrestimi i suksesshëm i të dyshuarve dhe çmontimi i strukturave të organizuara kriminale”, tha Nënkryetari i Zyrës së Hetimit Doganor të Hamburgut, Matthias Virmond.
Të arrestuarit pritet të dalin para gjykatës, për tu njohur me masën e sigurisë.
