Një aksident ka ndodhur mëngjesin e sotëm në Elbasan në rrugën “Qemal Stafa”.
Mësohet se automjeti me drejtues shtetasin me inicialet A. S., 46 vjeç, ka përplasur shtetasin me inicialet I. A., 76 vjeç, banues në fshatin Kusarth të Elbasanit.
“Rreth orës 08:30, në rrugën “Qemal Stafa”, automjeti tip “Volkswagen”, me drejtues shtetasin A. S., 46 vjeç, banues në Elbasan, ka aksidentuar shtetasin I. A., 76 vjeç, banues në fshatin Kusarth, Elbasan.
Shtetasi I. A. është dërguar në spital, për të marrë ndihmë mjekësore, ndërsa me drejtuesin e automjetit, shtetasin A. S., po kryhen veprimet procedurale.”– njofton policia.
Grupi hetimor po punon për përcaktimin e rrethanave të aksidentit.
