Mungesa e investimit në infrastrukturë tek lagjja Mbyet në Fier ku banojnë rreth 200 familje ka ngritur në protestë një pjesë të tyre.
Që prej viteve 1990 ata jetojnë në këtë lagje, por ende rrugët janë të pashtruara, pa kanalizime të ujërave të zeza, pa shkollë e kopësht sikundër edhe uji i pijshëm u shkon në banesa 2 orë, por është i papërdorshëm. Ata thonë për Syri.tv se taksat i paguajnë, por shërbimin prej institucioneve shtetërore nuk e marrin.
Për shkak të rënies së numrit të nxënësve u mbyll shkolla 9-vjeçare dhe kopshti e tashme prej 3 vitesh ata i çojnë fëmijët në një shkollë 3 km larg e kjo situatë bëhet më e vështirë në dimër.
Banorët thanë se në qoftë se nuk merren masa, ata do të përshkallëzojnë protestat e do t’i zhvillojnë para godinës së bashkisë së Fierit e më pas do bllokojnë edhe rrugën për në Fier.
