Një aksident tragjik ka ndodhur ditën e sotme në Greqi. Mësohet se një makinë është përplasur me një furgon e si pasojë kanë humbur jetën dy persona (babë e bir), identiteti i të cilëve ende nuk bëhet me dije.
Mediat e huaja raportojnë se ngjarja ka ndodhur në afërsi të rrugës Akrotiriou – Megalochoriou, ndërsa si pasojë e përplasjes ka mbetur i plagosur edhe shoferi i furgonit.
Shkaqet dhe rrethanat e sakta të aksidentit rrugor po hetohen nga nëndrejtoria e Policisë Thira, ndërsa pritet një reagim zyrtar nga autoritetet greke për zbardhjen e plotë të rastit.
