Një person është arrestuar dhe një tjetër është shpallur në kërkim ditën e sotme pasi janë kapur duke transportuar emigrant të paligjshëm kundrejt fitimit.
Në kërkim është shpallur 25-vjeçari, G.M i cili u konstatua duke transportuar 8 emigrantë kundrejt shumë 500 euro, por menjëherë sapo ka parë forcat e policisë ka braktisur automjetin dhe është larguar. Ndërsa është arrestuar 17-vjeçari, I.B, i cili gjithashtu po transportonte emigrantë të paligjshëm.
Ndërkohë janë sekuestruar dy automjete me të cilat po transportoheshin emigrantët.
“-Gjatë operacionit “Road Guard 69”, në aksin nacional “Ura e Dragotit – Ura e Leklit”, në vendin e quajtur “Kthesa e fshatit Kodër”, shtetasi 25-vjeçar, duke drejtuar automjetin me të cilin po transportonte drejt Tiranës, 8 emigrantë nga vendet e treta, kundrejt shumës 500 euro/person, sapo ka vënë re se po ndiqej nga shërbimet e Policisë, ka braktisur automjetin dhe ka mundur të largohet.
Në vijim të veprimeve u shpall në kërkim drejtuesi i automjetit, shtetasi 25 vjeçar, banues në Krujë. Vijon puna për kapjen e tij.
– Gjatë operacionit policor të koduar “Road Guard 70” u arrestua në flagrancë, 17-vjeçar, banues në Durrës.
Ky shtetas u kap në flagrancë nga shërbimet e Policisë, në vendin e quajtur “Ura e Kardhiqit”, duke drejtuar pa leje drejtimi automjetin tip “Volksëagen”, me të cilin po transportonte nga Saranda në drejtim të Tiranës, kundrejt pagesës, 8 emigrantë nga vendet e treta që synonin të kalonin ilegalisht nga Shqipëria në vendet e BE-së”,- njofton Policia.
Në cilësinë e provës materiale u sekuestruan 2 automjetet me të cilat transportoheshin emigrantët dhe 1 aparat celular.
