Kreu i Partisë së Lirisë, Ilir Meta foli sot për largimin e ish-ministrit Arben Ahmetaj jashtë vendit ne një kohë kur SPAK kërkonte arrestimin e tij. Ish-presidenti u shpreh në një intervistë në “News 24” se arratisja e një politikani është një akt i dënueshëm.
Sipas tij nëse Ahmetaj do të flasë për shokët, pasojat për të mund të jenë të rënda, ndërsa shtoi se është ndjerë i trasdhtuar nga kolegët. Sa i përket aferës së inceneratorëve Meta tha se paratë e shqiptarëve vazhdojnë të vidhen, ndërkohën që inceneratori i Tiranës nuk punon.
“Afera e inceneratorëve vazhdon me shpejtësinë e kangurit. Kështu dhe paratë e shqiptërve ikin në qarkun e Tiranës dhe pse inceneratori nuk punon. Janë arrestuar dhe shpallur në kërkim disa persona, siç është rasti i Arben Ahmetaj por paratë vijojnë të paguhen. Fakti që ne kemi figurën kryesore në qeverinë e Ramës, Ahmetajn të arratisur dhe të ndjerë të kërcënuar është shumë i rëndë për qeverinë sepse kemi të bëjmë me numrin 2 real të PS.
Ai ka qenë ekzekutusi të gjitha porosive të Ramës. Atij i ishte besuar një pjesë e madhe e komptencave. Arratisja e tij është një akt i dënueshëm dhe duhet parë nëse po ikën se është i kërcënuar, por kjo rëndon dhe vetë Ramën. Sa i takon çështjeve të tjera, duhet të përgjigje për organin e akuzës. Ne shohim se inceneratorë nuk dhe paratë ikin jashtë. Është shumë e qarta që kjo aferë udhëhiqet nga Edi Rama, janë blerë votat dhe paguhen disa media që përpiqen të devijonë të vërtetën.”, u shpreh Meta.
Intervista e plotë:
Pyetje: Reagimet e Ahmetajt dhe Ramës?
Meta: Nuk është hera e parë që dëgjojmë “përgjegjësia është personale”. Ahmetaj. Nëse ai do të flasë për shokët pasojat do të jenë shumë të rënda për të.
Pyetje: Reagimi i Ahmetajt, a kishte mllef për kolegët e tij?
Meta: “Nuk e di dhe kjo për mua nuk është e rëndësishme. Ajo që duhet se është e vërtetë dhe që unë e besoj, duke ditur dhe si funksionon Rama, është që Ahmetaj në të gjitha vendimmarrjet e tij shumë të rëndësishme, ai mesa duket ka marrë një garanci…
Është e qatë që dhe nga një pjesë e hetimit për inceneratorin e Tiranës, ai ka kundërshtuar fillimisht dhe pasi ka kërkuar t’i jepet garanci se kush e financon, dhe ka ardhur një shkresë në emër të bashkisë i ka hapur rrugë. Është e qartë që ky nuk është se nuk ka qenë i ndërgjegjshëm për pasojat, por ka marrë garanci të plotë.
Tani ka ardhur në një moment që ndihet i tradhtuar dhe i pambrojtur, i shitur sepse garancitë kanë qenë të tilla që ‘ec përpara se je i mbrojtur’. Kjo nuk e lehtëson nga përgjegjësitë, por kjo mund të jetë një bazë për kërcënimet që ka marrë, por duhet t’i provojë që nëse flet për shokët pasojat do jenë shumë më të rënda për të dhe rrethin e tij.”
