Pas më shumë se një orë diskutimesh në sallën e gjyqit, Gjykata e Posaçme Kundër Korrupsionit dhe Krimit të Organizuar (GJKKO) vendosi të rrëzojë kërkesën e ish-presidentit Ilir Meta për të dalë nga kafazi i xhamit gjatë debatit gjyqësor.
Sipas arsyetimit të gjykatës, qëndrimi në ambientin “ndarës prej xhami” nuk cenon të drejtat proceduriale të të pandehurit, nuk pengon komunikimin me avokatët dhe nuk prek prezumimin e pafajësisë.
Po ashtu, GJKKO rrëzoi edhe kërkesën e Metës për transmetimin live të seancave gjyqësore për publikun, duke argumentuar se kjo nuk është e nevojshme për procesin.
Ndërkohë, në lidhje me provat elektronike, gjykata urdhëroi SPAK që të krijojë kushtet e duhura për aksesimin e tyre nga pala mbrojtëse.
