“Pse më sheh”. Ky ka qenë motivi banal i nisjes së një konflikti mes tre të rinjëve në Durrës, ku përfundoi me plagosjen me thikë të dy prej tyre.
Burime bëjnë me dije se të plagosurit kanë moshën 17-18 vjeç, të cilët kanë qenë duke luajtur bilardo. Por, duke luajtur ata kanë debatuar me autorin, i cili mësohet se u ka kërkuar “llogari” pse ata po e shikonin atë.
Pas debatit, burime bëjnë me dije se autori, bashkëmoshatar i dy adoleshentëve të plagosur, ka nxjerrë thikën dhe ka goditur njërin tre herë dhe tjetrin dy herë.
Mësohet se ata edhe pse të një moshe, nuk kishin njohje me njëri-tjetrin. Të plagosurit janë transportuar për në spital.
