Ish-drejtues i Krimeve të Rënda, Eugen Beçi i ftuar në emisionin “Log.” në Panorama TV ka ‘zbërthyer’ operacioni e një ditë më parë që çoi në pranga 20 persona.
Sipas tij, ky ishte një operacion i koordinuar edhe nga Europol dhe Eurojust, ndërsa theksoi se SPAK dhe policia kanë ndjekur një metodë, duke arrestuar vetëm një person në kufi duke e shitur si një arrestim në flagrancë.
Beçi sqaroi se kjo metodë është përdorur me qëllim që policia dhe SPAK të shkonte drejt grupit kriminal.
“Për rastin konkret të ditës së djeshme me aq sa unë shoh nga hetimi nuk është kështu si thuhet. Nuk ka ardhur material i gatshëm. Unë e kuptoj se çfarë ka ndodhur në dy vjet hetimi nga Europol dhe Eurojust. Këtu dy misione në momente kur kemi të bëjmë një shtet jo anëtar të BE ndërhyjnë.
Duke patur në konsideratë hetimin dhe dinamikën unë mendoj që SPAK dhe policia jo për herë të parë kanë ndjekur një metode hetimi që ka të bëjë me faktin që personat janë kapur në flagrance në pikën e kalimit kufitar. Në këtë moment policia dhe prokuroria nuk ka ndërhyrë. E ka lënë këtë si rast të veçuar, si rast të flagrancës pa e thelluar hetimin. Hetimi ka vazhduar në fshehtësi. Është shitur për publikun sikur është kapur një person me 5 kile drogë. Kjo është një metode për të goditur në fund grupin.
Rasti i djeshëm të dyja skuadrat Italia dhe Shqipëria kanë vepruar në mënyrë proaktive.
Kur kapet një person në pikën e kalimit kufitar duket sikur çështja lihet me aq, por vazhdohet me metoda e përgjimit. Delegim nuk ka nga Italia, ka vetëm një informacion që përben shkak për të filluar hetimin në territorin e Shqipërisë.
Janë shitura si të kapura në flagrancë. Në këto grupe kapet korrieri dhe për publikun e sh8isnin si arrest në flagrancë dhe vazhdonte gjoja gjykimi i korrierit ndërkohë vazhdonte hetimi për të shkuar tek grupi kriminal. Në shumë raste është ndërprere hetimi, por nuk është rasti i djeshëm”, tha Beçi.
